Saturday, October 15, 2011

ചിക്കന്‍ ബിരിയാണി...

ആവശ്യമുള്ള സാധനങ്ങള്‍ :
ചിക്കന്‍                          :1 കിലോ.
(വലിയ കഷണങ്ങള്‍ ആക്കിയത് )
ബിരിയാണി അരി          : 1 കിലോ,
(ജീര റൈസ് ആയിരിക്കും നല്ലത് )
വലിയ ഉള്ളി നീളത്തില്‍ മുറിച്ചത്  : 500 ഗ്രാം
നെയ്യ്                                     : 100ഗ്രാം
റിഫൈന്‍ട് ഓയില്‍               :  250 ഗ്രാം
പച്ച മുളക്                              : 100ഗ്രാം
ഇഞ്ചി                                      :  50 ഗ്രാം
വെളുത്തുള്ളി( ചെറിയ അല്ലിയുള്ളത് )    :  50 ഗ്രാം
കസ്കസ്                               :   1ടേബിള്‍ സ്പൂണ്‍
തൈര്                                     : 1 കപ്പ്‌
അണ്ടിപ്പരിപ്പ്                          : 100 ഗ്രാം
കിസ്മിസ്‌                               :50ഗ്രാം
മല്ലിയില                                  : 100 ഗ്രാം
പുതിനയില                             : 100ഗ്രാം
കുങ്കുമപ്പൂവ്                               : ഒരു നുള്ള്
ഗരം മാസലപൊടി                 : ഒരു ടീ സ്പൂണ്‍        
തക്കാളി നാലായി മുറിച്ചത്      : രണ്ടെണ്ണം
ഉപ്പ് ആവശ്യത്തിന്.
പട്ട ഒരിഞ്ചു നീളത്തില്‍            : രണ്ടെണ്ണം
ഗ്രാമ്പു                                        : 5 എണ്ണം
ബിരിയാണി മസാല                 : 2 ടേബിള്‍ സ്പൂണ്‍
രണ്ടു വലിയ ഉള്ളി നേരിയതായി അരിഞ്ഞു വെക്കണം.( മുകളില്‍ അലങ്കരിക്കാന്‍)
(തിളച്ചവെള്ളം  അരിയുടെ അളവിന്റെ ഇരട്ടി അളവില്‍)
പാകം ചെയ്യുന്ന വിധം :
 കോഴി കഷണങ്ങള്‍ മഞ്ഞള്‍, ഉപ്പ് , തൈര്‌ എന്നിവ പുരട്ടി അരമണിക്കൂര്‍ വെക്കണം.
വെളുത്തുള്ളി,ഇഞ്ചി,പച്ചമുളക്,ഇവ ചതച്ചെടുക്കുക.കസ്കസ് മയത്തില്‍ അരച്ചെടുക്കുക.
മല്ലിയില പുതിനയില എന്നിവ ചെറുതായി അരിഞ്ഞു വെക്കുക.അടുപ്പിലേക്ക് ചുവടു കട്ടിയുള്ള
പാത്രം വെക്കുക,പാത്രത്തില്‍ പകുതി എണ്ണ ഒഴിച്ച്‌ ചൂടാവുമ്പോള്‍ മുറിച്ചു വെച്ച ഉള്ളി ഇട്ടു ഇളക്കുക.ഉള്ളി അല്പം നിറം മാറുമ്പോള്‍ ചതച്ചു വെച്ച മസാലകള്‍ ഓരോന്നായി ചേര്‍ത്ത് നന്നായി തുടരെ ഇളക്കുക.മസാലയുടെ പച്ചമണം മാറിയാല്‍ കോഴികഷണങ്ങള്‍ ചേര്‍ത്ത് നന്നായി ഇളക്കി ഇതില്‍ തൈര്‍,കസ്കസ്,തക്കാളി,ഉപ്പ് എന്നിവ ഇട്ടു നന്നായി ഇളക്കി അരക്കപ്പ് വെള്ളവും ചേര്‍ത്ത് ഇളക്കി പാത്രംഅടച്ചു വെച്ച്  ചെറു തീയില്‍ വേവിക്കണം.കോഴി വെന്തു വെള്ളം വറ്റിയാല്‍ ഇറക്കി വെക്കുക.
അരി കഴുകി വെള്ളം വാര്‍ന്നു പോകാന്‍ വെക്കണം.ഒരു ചുവടു കട്ടിയുള്ള പാത്രത്തില്‍ ബാക്കിയുള്ള
എണ്ണയും നെയ്യ് പാതി ഒഴിച്ച്‌ നേരിയതായി അരിഞ്ഞു വെച്ച ഉള്ളി പൊന്‍ നിറം ആകുന്നത്‌ വരെ
മൂപ്പിക്കുക.അത് കോരി വെച്ച ശേഷം അതേ എണ്ണയിലേക്ക് അണ്ടിപ്പരിപ്പ്ഇട്ടു ചുവന്നു  വരുമ്പോള്‍
കിസ്മിസ്‌ ചേര്‍ത്ത് പെട്ടന്ന് തന്നെ എണ്ണയില്‍ നിന്ന് മാറ്റി വെച്ച ശേഷം അതേ എണ്ണയിലേക്ക്
പട്ട ഗ്രാമ്പു ഇട്ടു പൊട്ടുമ്പോള്‍ ഇതിലേക്ക് അരിയും ഇട്ടു നന്നായി ഒന്ന് വറുത്തെടുക്കണം.അതിലേക്കു
തിളച വെള്ളം ഒഴിച്ച്‌ ഉപ്പും ചേര്‍ത്ത് ഇളക്കി പാത്രം മൂടി വെക്കണം.അരി വെന്തു വെള്ളം വറ്റി വരുമ്പോള്‍ ഇറക്കി വെക്കുക.കോഴി വേവിച്ച പാത്രത്തില്‍ നിന്ന് പാതി മാറ്റി വെച്ചതിനു ശേഷം
പകുതി ചോറ് അതിനു മുകളില്‍ ഇടുകഅതിനുമുകളില്‍ ഗരം മസാല പൊടിയും , ബിരിയാണി മസാല പൊടിയും പാതി വിതറുക.ചോറിനു മീതെ ഇളം ചൂട് പാലില്‍ കലക്കിയ കുങ്കുമപ്പൂ തളിക്കുക.അരിഞ്ഞു വെച്ച മല്ലിയില ,പുതിനയില കുറച്ചു വിതറുക.വീണ്ടും ബാക്കിയുള്ള ചിക്കനും നിരത്തി അതിനു മുകളില്‍ ചോറും ഇട്ട ശേഷം മസാലകളും മല്ലിയിലയും ,പുതിനയിലയും ,നിരത്തുക.അതിനു മുകളില്‍ വറുത്തു വെച്ച ഉള്ളി അണ്ടി പരിപ്പ് ,കിസ്മിസ്‌ എന്നിവയും ഇട്ടു കുങ്കുമ പൂവ് കലക്കിയതും തളിച്ച്
ബാക്കിയുള്ള നെയ്യും മുകളില്‍ ഒഴിക്കുക .പിന്നീട് ഈ പാത്രം  നന്നായി മൂടി സൈഡ് ഗോതമ്പ് മാവു കുഴച്ചു സീല്‍ ചെയ്യണം.പിന്നീട് പാത്രത്തിന് മുകളില്‍ തീ കനല്‍ കുറച്ചു കോരി ഇട്ടു കുറച്ചു സമയം വെക്കുക്. പാത്രത്തിനടിയില്‍  ഈ സമയം തീ ഉണ്ടായിരിക്കാന്‍ പാടില്ല. ഇങ്ങിനെ ചെയ്യാന്‍ പറ്റാത്തവര്‍ക്ക് കുറച്ചു സമയം അവനില്‍ വെക്കാവുന്നതാണ്... ഇതാ ബിരിയാണി റെഡി. ഇത് തൈര്‍സലാഡ്‌ . പുതിന ചട്നി എന്നിവ ചേര്‍ത്ത് കഴിക്കാം.

പുതിന ചട്നി:-
വേണ്ട സാധനങ്ങള്‍ :-
 ഒരു കപ്പ് അരിഞ്ഞ പുതിനയില , പച്ച മുളക്പത്തെണ്ണം,അഞ്ചു അല്ലി വെളുത്തുള്ളി,ഒരു മുറി തേങ്ങ ചിരവിയത്,ഒരു ചെറു നാരങ്ങയുടെ നീര്,ഉപ്പ് പാകത്തിന്,മല്ലിയില കുറച്ചു അറിഞ്ഞത്,,, ഇവയെല്ലാം കൂടി മിക്സിയില്‍ നന്നായി അരക്കുക. പുതിന ചട്നി റെഡി.

തൈര്‍  സലാഡ്‌ :-
വേണ്ടുന്ന സാധനങ്ങള്‍ :-
 ഒരു കപ്പ് തൈര്‍ ,വലിയ ഉള്ളിരണ്ടെണ്ണം ,തക്കാളി രണ്ടെണ്ണം,പച്ചമുളക് മൂന്നെണ്ണം,ഇവ മൂന്നും ചെറുതായി അരിഞ്ഞു തൈരില്‍ ചേര്‍ത്ത് ഉപ്പും ആവശ്യത്തിന് ചേര്‍ത്ത് നന്നയി ഇളക്കുക.
കുറച്ചു മല്ലിയില മുറിച്ചു ഇതിനു മുകളില്‍ വിതറി അലങ്കരിക്കാം ...
ഇനി എന്തിനാ നോക്കി ഇരിക്കുന്നത്. കഴിക്കാനും റെഡി അല്ലേ?എന്നാല്‍ തുടങ്ങിക്കോളൂ ,,,,.

ചിത്രങ്ങള്‍ക്ക് കടപ്പാട് എന്റെ ഊണ് മേശ 







8 comments:

ജിത്തു said...

ഇതുവായിച്ച് ഇവിടെ ഉണ്ടാക്കിയാ പ്രീതേച്ചിന്‍റെ കൈപുണ്ണ്യം കിട്ടില്ലാലോ ,
അതോണ്ട് ഞാന്‍ കൂത്തുപറംബിലേക്ക് ഉടനെ തന്നെ വന്നേക്കാ :)

ponmalakkaran | പൊന്മളക്കാരന്‍ said...

ravile oru veg biriyani kittumo....

Philip Verghese'Ariel' said...

രുചി മഴ മുറുകി പെയ്യട്ടെ എന്ന് ആശംസിക്കുന്നു
വായില്‍ വെള്ളമൂറി എന്ന് പറഞ്ഞാല്‍ മതിയല്ലോ
ഏതായാലും ഒരു കൈ നോക്കിക്കളയാം
നന്ദി നമസ്കാരം
വളഞ്ഞവട്ടം പി വി ഏരിയല്‍
സിക്കന്ത്രാബാദ്

സുസ്മേഷ് ചന്ത്രോത്ത് said...

ഹഹ ഈ ബ്ളോഗ് ഇഷ്ടായി...ഞാനൊരു ആഹാരപ്രിയനാണ്.പക്ഷേ വെജിറ്റേറിയനായിപ്പോയി.
നല്ല ആഹാരമുണ്ടാക്കാന്‍ വൈഭവമുള്ളവരോട് എനിക്ക് ആദരവാണ്.
അനുമോദനങ്ങള്‍.

NIVIN THYKKANDI said...

ഇഷ്ടായി..വെജിറ്റേറിയന്‍ കുറിപ്പുകളും ചേര്‍ക്കാമോ...

reksy varghese said...
This comment has been removed by the author.
reksy varghese said...

kollam nice.....

reksy varghese said...

kollam pakshe ethokke nadakkumo?