ഇതിന്റെ പേര് കേട്ട് പാചകം തുടങ്ങുന്നതിനു മുന്‍പ്‌ ആരും കോഴിയെ വാങ്ങാന്‍ ഒന്നും
പോകേണ്ട.ഇത് കപ്പ കൊണ്ടുള്ള ഒരു വിഭവം ആണ് ...എന്റെ അറിവില്‍ ഇത് തലശ്ശേരി
അല്ലാതെ മറ്റെവിടെ എങ്കിലും ഉണ്ടോ എന്നറിയില്ല. എങ്ങിനെ ഈ പേര് വന്നു എന്നും ചോദിച്ചേക്കല്ലേ?
ആവശ്യമായ സാധനങ്ങള്‍ :-
പോകേണ്ട.ഇത് കപ്പ കൊണ്ടുള്ള ഒരു വിഭവം ആണ് ...എന്റെ അറിവില്‍ ഇത് തലശ്ശേരി
അല്ലാതെ മറ്റെവിടെ എങ്കിലും ഉണ്ടോ എന്നറിയില്ല. എങ്ങിനെ ഈ പേര് വന്നു എന്നും ചോദിച്ചേക്കല്ലേ?
ആവശ്യമായ സാധനങ്ങള്‍ :-
- കപ്പ - അരകിലോ (നാലിഞ്ച് നീളത്തില്‍ നേരിയതായി അരിഞ്ഞത്)
- കടലപ്പൊടി - അഞ്ചു ടേബിള്‍ സ്പൂണ്‍.
- വെളുത്തുള്ളി അല്ലി - ആറെണ്ണം ചതച്ചത്.
- പച്ചമുളക് -നാലെണ്ണം ചെറുതായി അരിഞ്ഞത്.
- മുളക് പൊടി -ഒരു ടീ സ്പൂണ്‍
- മഞ്ഞള്‍ പൊടി - കല്‍ ടീ സ്പൂണ്‍.
- എണ്ണ-ഫ്രൈ ചെയ്യാന്‍ ആവശ്യമായത്.
- കറിവേപ്പില -ആവശ്യത്തിന്.
- കായപ്പൊടി - ഒരു നുള്ള്
- ഉപ്പ് - ആവശ്യത്തിന്.
- വെള്ളം.- ആവശ്യത്തിന്
മേല്പറഞ്ഞ ചേരുവകള്‍ എല്ലാം നന്നായി മിക്സ്‌ ചെയ്തു കുറച്ചു വെള്ളം ചേര്‍ത്ത്
നന്നായി യോജിപ്പിച്ചു അരിഞ്ഞു വെച്ച കപ്പ അതിലെക്കിടുക.കപ്പ മാവില്‍ നന്നായി പുതയുന്നത് വരെ കുഴക്കുക. കപ്പ കഷണങ്ങള്‍ പൊട്ടി പോകാതെ നോക്കണം .. പിന്നീട് ഫ്രൈ ചെയ്യാനുള്ള പാത്രം അടുപ്പില്‍ വെച്ച് എണ്ണ ഒഴിച്ച് ചൂടാവുമ്പോള്‍ നീളത്തിലുള്ള ഓരോ പിടിയായി എടുത്തു
എണ്ണയില്‍ ഫ്രൈ ചെയ്തു എടുക്കുക .. കുറച്ചു ചൂടാറിയത്തിനു ശേഷം കഴിക്കാവുന്നതാണ്.
വളരെ എളുപ്പം തയ്യാറാക്കാന്‍ സാധിക്കുന്ന ഒരു പലഹാരമാണിത്. കപ്പ മുറിച്ചിടാനുള്ള ഒരു താമസമേയുള്ളൂ .. ഒന്ന് ട്രൈ ചെയ്തു നോക്കൂ ..
കഴിച്ചു കഴിഞ്ഞാല്‍ ഒരു മറുവാക്ക് പറയാന്‍ മടിക്കല്ലേ ....
